निरेतील अष्टविनायक तरुण मंडळाकडून दत्त घाटावर रक्तदान शिबीराचे आयोजन

श्रद्धा जोशी.
निरा, ता. १५ :
निरा (ता.पुरंदर ) येथील प्रभाग क्र. १ मधील अष्टविनायक तरुण मंडळाच्या वतीने दत्त घाटावर रक्तदान शिबिराचे आयोजन करण्यात आले. दत्तजयंती निमित्त आयोजित या शिबिरात अनेक तरुणांनी उत्स्फूर्त सहभाग घेत रक्तदान केले.
लोणंद येथील बालाजी ब्लड बँक आणि अष्टविनायक तरुण मंडळ यांच्या संयुक्त विद्यमाने रक्तदान शिबिराचे आयोजन करण्यात आले. उद्घाटन प्रसंगी रक्तदानाचे महत्त्व उपस्थितांना सांगण्यात आले. रक्तदान हे श्रेष्ठ दान असल्याने सामाजिक बांधिलकी म्हणून सर्वांनी शिबिरात सहभागी होण्याचे आवाहन करण्यात आले. यावेळी नीरा शिवतक्रार तसेच पंचक्रोशीतील अनेकांनी रक्तदान केले. सलीम (भाई) शेख व सहकाऱ्यांनी नियोजन केले. यावेळी १०० हून अधिक जणांनी रक्तदान केले. शिबिरात तरुणाईचा सहभाग लक्षणीय होता. त्यासह विविध सामाजिक संघटनांचे सदस्य, ग्रामपंचायत कर्मचारी यांनीही सहभाग घेतला. शिबिर यशस्वी करण्यासाठी स्वयंसेवकांनी महत्त्वपूर्ण भूमिका बजावली. रक्तदात्यांना प्रमाणपत्र देण्यात आले. शिबिराचे आयोजन साहिल बागवान व हरीश जेधे यांनी केले. यापुढेही सामाजिक बांधिलकी जोपासत रक्तदान शिबिराचे आयोजन करण्याचा मानस आयोजनकर्त्यांनी यावेळी व्यक्त केला.