कृषी प्रदर्शनातील शेतीचं भविष्य बदलणाऱ्या या पाच अविश्वसनीय गोष्टी आवर्जून पाहाच!

बारामतीत १७ ते २४ जानेवारी रोजी होणार कृषी प्रदर्शन.

राहुल शिंदे.
निरा, ता. ११ :

बारामती येथे शनिवार ता. १७ ते २४ जानेवारी दरम्यान भव्य कृषी प्रदर्शनाचे आयोजन करण्यात आले आहे. यावर्षीच्या प्रदर्शनाची उत्सुकता सर्वांनाच लागून राहिली असून कृषी प्रदर्शनातील शेतीचं भविष्य बदलणाऱ्या या पाच अविश्वसनीय गोष्टी आवर्जून पाहिलाच हव्यात अशी चर्चा होताना दिसत आहे.

गतवर्षीच्या या प्रदर्शनाला दिवसाला ७० हजारांच्या आसपास  शेतकऱ्यांनी भेट दिली होती. यंदा ही संख्या वाढण्याची शक्यता लक्षात घेऊन नियोजन करण्यात आले आहे. बारामतीत एग्रीकल्चर डेव्हलपमेंट ट्रस्ट आणि कृषी विज्ञान केंद्र यांच्या संयुक्त विद्यमाने कृषिक २०२६ हे कृषी प्रात्यक्षिक प्रदर्शन आयोजित करण्यात आले आहे. राज्याचे राज्यपाल आचार्य देवव्रत यांच्या हस्ते आणि देशाचे माजी केंद्रीय कृषिमंत्री शरद पवार राज्याचे उपमुख्यमंत्री अजित पवार, राज्याचे कृषिमंत्री दत्तात्रय भरणे, खासदार सुप्रिया सुळे, राज्यसभेच्या खासदार सुनेत्रा पवार, आमदार रोहित पवार यांसह विविध मान्यवरांच्या प्रमुख उपस्थितीत कृषी प्रदर्शनाला सुरुवात होणार आहे.  

या पार्श्वभूमीवर राजेंद्र पवार यांनी यासंदर्भात आज शनिवारी पत्रकार परिषदेचे आयोजन आग्रिकल्कर डेव्हलपमेंट ट्रस्टच्या कृषी विज्ञान केंद्रात केले होते.यावेळी त्यांनी या कृषी प्रदर्शनाच्या माध्यमातून शेतीमधील नवनवीन प्रयोग आणि तंत्रज्ञान शेतकऱ्यांना पाहायला मिळणार असल्याचचे म्हटलं आहे.  या प्रदर्शनांमध्ये त्यांनी पाच गोष्टी प्रामुख्याने मांडल्या असून त्या प्रदर्शनाचे आकर्षण ठरणार आहेत.

ऍग्रीकल्चरल डेव्हलपमेंट ट्रस्टने या प्रदर्शनातून एक मोठी क्रांती केली आहे. भारतात पहिल्यांदाच, शेतीसाठी कृत्रिम बुद्धिमत्ता अर्थात आर्टिफिशियल इंटेलिजन्स (AI) तंत्रज्ञानाचा प्रत्यक्ष वापर कसा करता येईल, याचे प्रात्यक्षिक येथे मांडण्यात येणार आहे.या प्रदर्शनात एकरी तब्बल २०० टन उत्पादन देणाऱ्या उसाचे थेट प्रात्यक्षिक पाहायला मिळणार आहे. इतकेच नाही, तर साधारणपणे ५० टनांपर्यंत उत्पादन देणारा खोडवा ऊस, याच तंत्रज्ञानाचा वापर करून तब्बल १५० टनांपर्यंत कसा वाढवता येतो, हेही इथे दाखवण्यात येणार आहे. उसासोबतच विविध भागातील शेतकऱ्यांची मागणी लक्षात घेऊन मका, कांदा, तूर आणि केळी यांसारख्या पिकांची प्रात्यक्षिकेही येथे मांडण्यात येणार असल्याचे सांगण्यात आले आहे.

या प्रदर्शनात एकरी तब्बल २०० टन उत्पादन देणाऱ्या उसाचे थेट प्रात्यक्षिक पाहायला मिळणार आहे. इतकेच नाही, तर साधारणपणे ५० टनांपर्यंत उत्पादन देणारा खोडवा ऊस, याच तंत्रज्ञानाचा वापर करून तब्बल १५० टनांपर्यंत कसा वाढवता येतो, हेही इथे दाखवण्यात येणार आहे. उसासोबतच विविध भागातील शेतकऱ्यांची मागणी लक्षात घेऊन मका, कांदा, तूर आणि केळी यांसारख्या पिकांची प्रात्यक्षिकेही येथे मांडण्यात येणार असल्याचे सांगण्यात आले आहे.

या प्रदर्शनात भीमथडी घोड्यांची एक आकर्षक गाथा मांडण्यात येणार आहे. एकेकाळी नामशेष होण्याच्या मार्गावर असलेली ही जात प्रामुख्याने फक्त ओझी वाहण्यासाठी वापरली जात होती. पण या घोड्याचे एक खास वैशिष्ट्य आहे, जे त्याला इतरांपेक्षा वेगळे ठरवते. जशी फरारी गाडी क्षणात वेग घेते, तसाच हा घोडा आहे. याच वैशिष्ट्यामुळे तो खास ठरतो.

एकेकाळी भरडधान्य हे गरिबांचे अन्न मानले जायचे आणि गहू-तांदूळ हे श्रीमंतांचे. पण आता आरोग्यविषयक जागरूकतेमुळे हे चित्र पूर्णपणे उलटं झालं आहे. आज श्रीमंत लोक आवडीने भरडधान्य खात आहेत. हाच बदल लक्षात घेऊन, प्रदर्शनात विविध प्रकारची भरडधान्ये तर आहेतच, पण त्याचबरोबर नवीन पिढीला आकर्षित करण्यासाठी त्यावर प्रक्रिया करून बनवलेले आधुनिक पदार्थही (उदा. भरडधान्याची स्पॅगेटी) ठेवण्यात येणार असून याबाबतची माहिती शेतकरी आणि प्रदर्शनाला भेट देणाऱ्या लोकांना मिळणार आहे.

या प्रदर्शनात शेतकऱ्यांना जगातील सर्वोत्तम तंत्रज्ञान पाहण्याची आणि समजून घेण्याची संधी मिळत आहे. सोलर पॉलीहाऊस, हायड्रोपोनिक्स (मातीशिवाय पाण्यावर आधारित शेती), आणि रोबोटिक तंत्रज्ञान यांसारखी आधुनिक प्रात्यक्षिके येथे असणार आहेत. विशेष म्हणजे, इस्रायल (ठिबक सिंचन), नेदरलँड्स, चीन, ब्राझील आणि जर्मनी यांसारख्या जवळपास १५ ते २० देशांमधील अत्याधुनिक तंत्रज्ञान शेतकऱ्यांसाठी एकाच ठिकाणी उपलब्ध करून देण्यात आले आहे.