कोळविहिरे गणातून स्मिता निगडे भरघोस मतांनी विजयी

३७.३५ टक्के मतांसह बाजी मारली

श्रद्धा जोशी.
निरा, ता. ९:

पुरंदर तालुक्यातील गुळुंचे-कोळविहीरे गणातून राष्ट्रवादी कॉंग्रेस पक्षाच्या अधिकृत उमेदवार स्मिता संतोष निगडे यांनी सर्वाधिक मते मिळवत दणदणीत विजय मिळवला आहे. विजयश्री खेचून आणताना त्यांनी ५,७२९ मते मिळवली आहेत.

निरा – कोळविहीरे गट व गणातील लढतीकडे तालुक्याचे लक्ष लागून राहिले होते. गत निवडणुकीत हा गट शिवसेनेने राखला होता. यावेळी मात्र गटात पुन्हा एकदा घड्याळाची टिकटिक सुरु झाली आहे.

या गटात एकूण १५,३४१ मते नोंदवली गेली. यापैकी १५,२८४ मते ईव्हीएमद्वारे, तर ५७ मते टपाल मतदानाद्वारे पडली आहेत. निगडे यांना विजयी घोषित करताच कार्यकर्त्यांनी आनंदोत्सव साजरा करत गुलालाची उधळण केली.

उमेदवारनिहाय मतविभागणी (टक्केवारीसह):

स्मिता संतोष निगडे – ५,७२९ मते

➜ ३७.३५ %

शितल सतिश साळुंके – ४,६६३ मते

➜ ३०.३९ %

म्हस्के सीमा भाग्यवान – ४,२३७ मते

➜ २७.६२ %

खैरे रत्नमाला दिलीप – ५१९ मते

➜ ३.३८ %

NOTA (वरीलपैकी एकही नाही) – १९३ मते

➜ १.२६ %

निकालाचे विश्लेषण :

या निवडणुकीत स्मिता निगडे यांनी दुसऱ्या क्रमांकावरील शितल साळुंके यांच्यावर १,०६६ मतांची निर्णायक आघाडी घेतली. पहिल्या तीन उमेदवारांमध्येच सुमारे ९५ टक्क्यांहून अधिक मते विभागली गेल्याने लढत अत्यंत चुरशीची तसेच तिरंगी झाल्याचे दिसून आले.

NOTA कडेही मतदारांचा कल :

या गटात १९३ मतदारांनी NOTA चा पर्याय निवडला, जे एकूण मतदानाच्या १.२६ टक्के आहेत. यावरून काही प्रमाणात मतदारांमध्ये असमाधान असल्याचेही दिसून आले.