निरा – कोळविहीरे गटात डॉ. प्राजक्ता दुर्गाडेंची बाजी

४५.३२ टक्के मतांसह निर्विवाद कौल

श्रद्धा जोशी.
निरा ता. ०९ :

पुरंदर तालुक्यातील निरा – कोळविहीरे गटातून राष्ट्रवादी कॉंग्रेस पक्षाच्या अधिकृत उमेदवार डॉ. प्राजक्ता दुर्गाडे यांनी ४५.३२ टक्के मतांसह बाजी मारली असून जनतेने त्यांना निर्विवाद कौल दिला आहे. १३,५२१ मते मिळवत त्यांनी विजयश्री खेचून आणली.

निरा – कोळविहीरे गटात एकूण २९,८४४ मते नोंदवली गेली. त्यापैकी २९,७२० मते ईव्हीएमद्वारे, तर १२४ मते टपाल मतदानाद्वारे पडली आहेत.

उमेदवारनिहाय मतविभागणी (टक्केवारीसह):

दुर्गाडे प्राजक्ता दिगंबर – १३,५२१ मते

➜ ४५.३२ %

भारती अतुलदादा म्हस्के – ७,८०३ मते

➜ २६.१५ %

सिमा संदीप धायगुडे – ७,६४२ मते

➜ २५.६१ %

बरकडे सविता राजेंद्र – ६४६ मते

➜ २.१६ %

NOTA (वरीलपैकी एकही नाही) – २३२ मते

➜ ०.७८ %

निकालाचे ठळक विश्लेषण :

विजयी उमेदवार डॉ. प्राजक्ता दिगंबर दुर्गाडे यांनी दुसऱ्या क्रमांकावरील भारती म्हस्के यांच्यावर ५,७१८ मतांची भक्कम आघाडी घेतली. एकूण मतदानापैकी जवळपास ९७ टक्क्यांहून अधिक मते पहिल्या तीन उमेदवारांमध्ये विभागली गेली, यावरून लढत तिरंगी असून डॉ. दुर्गाडे यांना जनतेने कौल दिल्याचे दिसून आले.

NOTA चे चित्र :

या विभागात २३२ मतदारांनी NOTA चा पर्याय निवडला, जे एकूण मतदानाच्या ०.७८ टक्के आहेत. ही संख्या कमी असली तरी मतदारांतील नाराजीचे संकेत देणारी आहे.